I vendosur në një lartësi mbidetare prej 880 metrash, Banishtë është një vend ideal për ata që duan të relaksohen dhe të shijojnë ajrin e pastër malor, ujin termal-mineral natyror me temperaturën optimale për trupin e njeriut dhe ushqimin e shijshëm. Me një kapacitet total prej 126 dhomash, ky resort është rinovuar disa herë që nga privatizimi i tij, dhe me rinovimin e fundit u përfshinë gjithsej 72 dhoma dhe disa nga hapësirat mjekësore (Prill 2012).

Për shkak të respektit ndaj historisë dhe traditës, me qëllim që të mos prishët kjo bukuri dhe harmoni e jashtëzakonshme që duket se ka arritur kulmin në këtë vend të shenjtë, resorti Banishtë nga jashtë ka arkitekturën e tij tradicionale, ndërsa në brendësi ofron një ambient modern dhe luksoz, duke ofruar standarte të shkëlqyera akomodimi dhe shërbimesh hoteliere që plotësojnë kërkesat e të gjithë mysafirëve.